Lirik Lagu Minang / Amir Sampuraga - Dendang lamo (lagu KIM)

Lirik Lagu Minang / Amir Sampuraga - Dendang lamo

Layang-layang batali banang

Banang datang nan dari Baso
Lah sudah tuan di uncang
Hati-hati mamak manjago

Babiduak ba dayuang sampan
Lah pasai di lamun ombak
Dima indak ka kuruih badan
Adiak sayang cowoknyo banyak

Tujuah puluah lapan angkonyo
Hati-hati sanak manjago
Ganepo nan di Jakarta
Anam puluah tigo kalua

Tanang-tanang lauik Sibolga
Kapa marapek ka muaro
Pasanang hati urang tingga
Kami bajalan jo untuangnyo

liriklaguminang.blogspot.com

A Parapat di danau Toba
Ampek puluah duo jan tingga
Duo hari kurang sabulan
Cari duo puluah salapan

Usah pandang awan bararak
Jatuah badarai aie mato
Usah panggakkan harato banyak
Indak bazakaik apo gunonyo

Tanjung Tiram oh batu baro
Tapi lauik latak kotanyo
Lapan puluah tigo jan lengah
Danga dendang jan tapurangah

Batu Sangka balantai batu
Parak jua balabuah silang
Nasib kito alunlah tantu
Kini susah isuak kok sanang

Talua katuang nan di muaro
Danau Maninjau iyo tanamo
Yo dek rancak pamandangannyo
Limo puluah angko nan tibo

Anak urang talang Suliki
Badeta taluak balango
Cadiak bana induak samang kini
Kami di ambiak umpan ka kayo

liriklaguminang.blogspot.com

Yo badendang mancari makan
Dari sanjo sampailah pagi
Tahun anam puluah salapan
Balabo katonyo rugi

Kalintin kapa kalintin
Takatuang tangah lautan
Maaf kami lahia jo batin
Kok ado bakasalahan

Salapan duo bapilin
Salapan puluah salapan
Hati-hati mamak mamandang
Kito angkek batunyo kawan

Si Inem pelayan seksi
Tiok patang mancari laki
Laki dapek sadang bajudi
Nyo gurameh di tampek nan rami

Lah bangkak mato dek pitih
Dek ulah parangai dini
Bara lah ka malunyo hati
Nomor anam nan sanak cari

Urutkan artikel berdasarkan:
Filter artikel berdasarkan kategori:
Cari artikel dengan kata kunci: