Lirik Lagu Minang / Rustam Raschani - Lubuak Buayo

Panjang jambatan Lubuak Buayo
Tunggak tarandam di dalam aia
Disiko denai mangko tabedo
Maranuang aruih aia kahilia
Disiko denai mangko tabedo
Maranuang aruih aia kahilia

Aia nan tanang mahanyuikkan
Hilia nan lapeh ka muaro
Bahati sanang uda bajalan
Jaweklah salam badan ambo
Bahati sanang uda bajalan
Jaweklah salam badan ambo

Hanyo sapatah denai sampaikan
Janji kito usah dilupokan

Usahlah adiak pancameh bana
Urang pancameh mati hanyuik
Adiak kanduang balahan diri
Kok karam biduak kito baranang

Samo taguahlah kito bajanji
Nan rumik mati salah surang
Samo taguahlah kito bajanji
Nan rumik mati salah surang

Hanyo sapatah denai sampaikan
Janji kito usah dilupokan

Usahlah adiak pancameh bana
Urang pancameh mati hanyuik
Adiak kanduang balahan diri
Kok karam biduak kito baranang

Samo taguahlah kito bajanji
Nan rumik mati salah surang
Samo taguahlah kito bajanji
Nan rumik mati salah surang

Lirik Lagu Minang / Rustam Raschani - Cinto tapalituak

Taragak badan pulang ka kampuang
lah duo tahun kito bapisah
Denai balikan galang jo kaluang
Basolop tinggi basongket merah

Tatagun denai tagak di laman
Bungo kucuik kini lah kambang
Saraso luluah nyao di badan
Kironyo adiak di suntiang urang

Sampai hati adiak baitu
Lupo malah jo janji lamo
Dek uda ciek sabana satu
Indak barubah manjadi duo

Tatuang cinto yo di Ombilin
Tasirok darah di dalam dado
Usah kaokan diak ka urang lain
Cukuiklah denai manangguangkannyo

Sampai hati adiak baitu
Lupo malah jo janji lamo
Dek uda ciek sabana satu
Indak barubah manjadi duo

Tatuang cinto yo di Ombilin
Tasirok darah di dalam dado
Usah kaokan diak ka urang lain
Cukuiklah denai manangguangkannyo
Cinto tapalituak sansai jadinyo