Lirik Lagu Minang / Nedi Gampo - Sopir Batak

Sopir Batak sitokar kaliang
Lari oto sabana manintiang
Padang lah ka Medan, Medan lah ka Jambi
Jambi jo Palembang lah taruih ka Tanjuang Karang

Sopir Batak badan badagok
Laku baiak parangainyo elok
Yo balain pulo nan si tokar kaliang
Walau kulik hitam karajo sabana santiang

Sadi hari hitaro, hita pargi mamuse
Hadigan hita mulak odongan saroha
Sadi hari hitaro, hita pargi mamuse
Hadigan hita mulak odongan saroha

Sopir Batak badan badagok
Laku baiak parangainyo elok
Yo balain pulo nan si tokar kaliang
Walau kulik hitam karajo sabana santiang

Sopir Batak sitokar kaliang
Lari oto sabana manintiang
Padang lah ka Medan, Medan lah ka Jambi
Jambi jo Palembang lah taruih ka Tanjuang Karang

Sopir Batak badan badagok
Laku baiak parangainyo elok
Yo balain pulo nan si tokar kaliang
Walau kulik hitam karajo sabana santiang

Sadi hari hitaro, hita pargi mamuse
Hadigan hita mulak odongan saroha
Sadi hari hitaro, hita pargi mamuse
Hadigan hita mulak odongan saroha

Sopir Batak sitokar kaliang
Lari oto sabana manintiang
Panumpangnyo sanang pasisianyo riang
Salamaik nan pai salamaik nan pulang

Lirik Lagu Minang / Nedi Gampo - Kambiang pacaran

Kambiang den kini lah pandai pulo pacaran
Jo kambiang adiak nyo bacinto
Jo kambiang denai uda jan balanteh angan
Kambiang uda lah nan mahao

Kambiang den kini pandai pulo seasoi-asoian
Jo kambiang adiak nyo baduo
Nan kambiang uda saketek indak basopan
Tiok lalu kambiang den di kijoknyo

 liriklaguminang.blogspot.com

Aden lah basumpah lah kambiang adiak lah nan manggili
Sampai lah kambiang den acok mandi, habih sabun!
kambiang uda lah sabana kanai hati
Tiok malam mancibuak kamari

Eloklah kambiang den kito diak, dinikahkan sajo
Pado mambuek sakik kapalo
Den indak nio basumpah indak nio
Kambiang uda nyo pandai ma-mbek-mbek sajo

Kambiang awak tu yo nan manggili-gili kambiang den
Mangguta-guta nyo kulek tagak ndak kamba-kamba wak nyo
Alun lai da, kambiang uda tu nan nyo gata
Kambiang den tu di suit-suitnyo,
“Suit-suit..”, keceknyo, “Suit-suit..”, keceknyo

Ah ndak ado gai tu doh,
Ei kambiang wak nyo, lah sanyun-sanyun nyo
Malepoh-lepoh siti, babadak-badak tu nyo
Kambiang awak tu nan jongkek

Kambiang uda tu nyo, ee.. kambiang adiak
Jan di tuduah-tuduah kambiang den gata da
Kambiang awak nan gata nyo,
Kambiang adiak tu nyo..

Uda kambiang, adiak kambiang lo
Eeehey.. yo tasarah den marabo den beko lai nyo
Aden pandai lo nyo marabo
Marabo den lai da, marabo
Lah marabo marabo marabo lah, ehey

Kambiang den kini lah pandai pulo pacaran
Jo kambiang adiak nyo bercinta
Jo kambiang denai uda jan balanteh angan
Kambiang uda lah nan mahao

Kambiang den kini pandai pulo seasoi-asoian
Jo kambiang adiak nyo baduo
Nan kambiang uda saketek indak basopan
Tiok lalu kambiang den di kijoknyo

Aden lah basumpah lah kambiang adiak lah nan manggili
Sampai lah kambiang den acok mandi
Kambiang uda lah sabana kanai hati
Tiok malam mancibuak kamari

Elok kambiang den kito diak, dinikahkan sajo
Pado mambuek sakik kapalo
Den indak nio, basumpah indak nio
Kambiang uda hanyo pandai ma-mbek-mbek sajo

Ehey, ndak baituo do diak ndak
Kambiang awak tu kan lah mesra lo pacaran
Lah saiyo, ka hilia samo ka hilia, ka mudiak samo ka mudiak,
Ka dalam parak samo ka dalam parak,
Yo kalau tu baa lai?

Baa lo kalau kalau, kalau awak, ndeh malu lo kami
Kambiang uda bantuak kambiang itu itu itu tu yo
Sabagai yo, awak lo bapacaran lai baa nyo?

Indak den nyo,
Baa tuh?

Beko parangai uda samo lo jo kambiang uda
Uda lah hariang ndak pernah mandi

Lirik Lagu Minang / Nedi Gampo - Jawinar

Oi Jawinar.., Jawi Jawi

Ondeh Jawinar oi
Tajadi juo apo nan Den takuikkan
Dulu kau cinto, kini kau tak ajan
Aden bacampaan

Malam minggu ka patang ko
Aden apel ka rumah kau
Hei jan kan pintu, pintu nan ka dibukak
Tapi Abak kau tagak macik palakak
Langkah Den baserak

Lah Den umbuak, Den umbuak Abak kau jo godok pisang
Lah Den bujuak, Den bujuak Amak kau jo paragede kantang
Tapi nyo bakato,
“Godok pisang jo paragede kantang se mode Ang anak Den ka ang lamar lo!”
Aden tatilantang..

Lah kau karuak, kau karuak saku Den sahinggo licin
Lah kau daruak, kau daruak pitih Den dek arok kawin
Tapi apo balehnyo,
“Sampai disiko se lah hubungan kito Da”, kecek kau ndeh
Teganyo dikau Nar ee...

"Wi, Jawi, Jawinar. Yo lah lupo kau maso-maso indah wak dulu Wi. Ndak takana dek Kau katu kau ajak Den ka restoran dulu. Den sangko lai awak baduo sae nan pai, tapi kau ajak lo Abak kau Jawilus, kau baok lo Amak kau Jawiah, ka angkuik lo kakak kau Jawinir, kau dukuang lo kemenakan kau Jawirah, ndeh!! Tapaso Den rental oto ciek, sagarobak tundo kau pai".

"Tibo di restoran, kau tintiang lo sadonyo. Kakak kau minta kopi susu, Abak kau minta teh talua buang kuniangnyo, nasi goreng, soto. Sangko Den kok lah kanyang kau, tapi sudah tu kau minta lo jus pokat, jus tomat, jus melon, jusmaini, jusmaniar, jusmarainiwajaib. Tapi ndak baa di Den doh, cinto butuh pengorbanan. Tapi, di muko Den kau bapacik-pacian, di depan mataku kau ber selingkuh".

Hai abih tandeh parak sipadeh
Nan jo parak langkueh
Kito ka kawin lah tau urang sa-RT
Tapi kini ko, kau pai jo anak juragan tempe
Hati Den paneh.., paneh hati Den ha!

Raso putuih ka putuih tali jantuang ko
Alah hanguih lah hanguih dado Denai ko
Tapi kau bakato,
“Sory yo Da, Uda bukan tipe pria idamanku”,
Hampia Den gilo

Lah baratuih baratuih baratuih dukun maubek
Lah baribu baribu baribu tawa nan lakek
Nan panyakik di badan,
Di ubek kapalo paruik sakik, di ubek paruik pinggang sakik,
Ondeh Jawinar

Wi, Winar, Jawi. Sepi rasonyo dunia ko tanpa kau Jawi ey ya. Hilang-hilang pangana Den. Siang rasah, malam gelisah, makan tak enak, tidur tak nyenyak, sadonyo gara-gara kau ko mah Jawinar. Patah salero Den patah.

"Den minum kopi mato jalang, Den minum susu paruik kambang, di minum aie asam kerongkongan maradang, di minum bir incek mato bakunang, di minum aie teh kajamban pirang, di makan nasi paruik kanyang, di makan roti marapuang galang-galang, di makan ubi kantuik gadang, den makan jariang sakik pinggang, di makan kacang gigi balubang, di makan talua saparo masak ayam berang. Ndeh, indak boleh manateh Den dek si Gampo ko kecek si ayam".

Lirik Lagu Minang / Nedi Gampo - Tabali lauak pagi

Manyarah, manyarah, Den manyarah

Ndak takao manahan hati dek parangai kau Diak ei
Pagi manggok, siang mangambok, malam mangarutok
Sadang iduang Den ko ha, alah tigo hari alun barasok
Talunjuak se Den cucuik lai!

Lah saba, lah saba, Den lah saba
Apo kau pabuek tu ha, Aden haniang sajo, indak Den pikia kan
Kau minta itu, minta iko, minta inyak
Aden lapehan kandak buruak kau tu ha,
Alun ado pitih lai tu ha, Aden alun gajian. Paniang Den!

Tapi kini alah panuah paruik Den, rasa malatuih
Kau minta rumah batingkek, kau taragak sedan bakilek
Kau kan tau Diak baso Den ko ha, pagawai ngenek
Kau suruah Den babuek doso, korupsi bana lah Da kecek kau

Elok kini Aden pai, Den ndak talok manipulasi
Abih kajujuran dek ulah, dek ulah sedan
Sabana malang Den babini, indak ibo nyo jo laki
Hilang iman den bujuak setan

“Ndak tau kau do yo?! Baso Aden ko anak surau! Abak Den Buya! Kau suruah Den maliang, KKN ndeh mandeh. KKN tu tau dek kau ndak ha? Karuak-karuak Kepeng Negara. Kini itu kau suruah Den ndeh he”.

Takana juo maso bacinto, katiko bapacaran daholu
Kau aja Den raun-raun, mahilangkan stress di hari Minggu
Den ndak ado ongkoih oto,
Den cilok pitih Abak Den ampek puluah lapan ribu
Ba itu bana Diak ei cinto Aden ka bakeh kau

Aden makan karupuak ubi, kau sungkahan kue bolu
Kok samba Den jo pucuak parancih, kau makan jo dendeang rabu
Aden minum aie dotor, kau minum jo Fanta susu
Dek pitih kurang Den jua jam tangan Den daripado malu..

Biarlah, bialah, oi biarlah
Abih pitih ka sadualahe, asa kau sanang Diak ei
Aden rela, abih tandeh kayo rang gaek Den
Aden tau, kalau bacinto tu ha, iyo bapokok stek!

“Alah baliak raun-raun, ndak sadang lo dek kau do. Ndak sadang sungkah se raun do. Lah pai lo ka supermaket, ndeh mandeh. Kau bali lo kue-kue untuak beko malam kecek kau. Alah pulang dari situ, ka pulang ka kampuang lai awak ka naiak oto, oto panuah Diak, tunggulah sabanta. Kau tagageh juo pulang.

Dek kareh hati kau tu ha kau duduak mayalek di muko dakek sopir tu ha, sabalah suok sopir tu kau duduak. Aden lah bagayuik di balakang stokar, samo jo Amak-amak samo jo giliang bada gai. Tapi ndak baa di Den doh. Padohal hati Den paneh kau duduak dakek sopir tu ha. Tapi biarlah demi cinta kecek kau, ndeh hei”.

Tapi kini kandak kau, mambuek Den tabih murangsang
Kau taragak pai ka Japang, ei o naiak kapa tabang
Kau kan tau Diak, o Aden kini ko ha Sadang tauncang
Aden di pecat karajo, dek batinju jo induak samang

Kapalo Den sadang sakik, kau gilo manyaringik
Indak mangarati, kalau laki kau ko ha, sadang tasapik
Pado Den makan ubek rangik, dek utak Den sadang panik
Bia Den barangkek dari rumah, oi biarlah

“Bialah Den pai kemping kaniak angin, daripado di rumah mandanga celoteh kau tu sae. Lah hilang dek kau maso-maso bacinto dulu. Dulu ndak tangguang mesranyo baduo, ndak tangguang mesranyo do. Ka bukik samo mandaki, ka lurah samo minta KTP wak dulu baduo.

Dulu kau mengecekkan, awak asa ado Uda bialah makan sabungkuih baduo. Lalok di ateh lapiak pandan kecek kau, ei kini ha, ei hei. Maco se samba nyo lah turo-turo, baa kau ko?!

Bialah kini Den pulang ka rumah Amak Den, kau pulang lo ka rumah Oneh kau. Bukan papisahan nan Den tangisi,tapi caroe tu Den ndak lamak. Ondeh Mande. Kalau lai baliak utak-utak elok kau tu ha, kau jampuiklah ka rumah Amak Den baliak. Kau baok godok, kudoan ka muncuang Den jo martabak gai. Tapi kalau ka taka itu juo parangai awak bialah awak pisah pisah pisah, pisah!"

Lirik Lagu Minang / Nedi Gampo - Kato Mande

Lirik Lagu Minang / Nedi Gampo - Kato Mande

Alah Den turuik kato Mande

Kawin alah mancari alun
Lah tigo pulo anak Den kini
Surang jantan duo padusi

Bini Den sadang buntiang pulo
Kecek Mak dukun kamba tigo
Kok nyo lahia bulan di muko
Kamari rumik kamari bedo

Ulah dek uru samo gadang
Maleh sikolah katiko bujang
Nan paralu tagak di simpang
Gilo mahaok nak gadih urang

Alah Den cubo pulo bakuli
Talok di badan yo tigo hari
Luko ndeh kanai yo Den sasali
Sabana rumik yo nan tajadi

Alah Den turuik kato Mande
Kawin alah mancari alun
Lah tigo pulo anak Den kini
Surang jantan duo laki-laki

Bini Den sadang buntiang pulo
Kecek Mak dukun kamba tigo
Kok nyo lahia bulan di muko
Kamari rumik kamari bedo

Ulah dek uru samo gadang
Maleh sikolah katiko bujang
Nan paralu awak batanggang
Gilo main song sampai parak siang

Alah Den cubo jadi pagawai
Dek utang banyak SK tagadai
Makan di lapau pitih ndak sampai
Paruik Den litak tulang Den lenyai

Den cubo pulo mambaok oto
Barangkek subuah pulangnyo sanjo
Kok ka mujua panompang bahondo
Kok jo malang rumah-rumah nan dibaok

Den cubo pulo karajo listrik
Den panjek tiang sentrom manggigik
Den ambiak tang tunjuak tasapik
Lah marang-rang di rumah sakik

Den cubo manggaleh di kaki
Malang balawan jo toke kayo
Tiok sabanta nyo bantiang harago
Nan kayo juo batambah kayo

Download Lagu Minang Nedi Gampo - Kato Mande

[ download mp3 gratis ] [ gratis download mp3 ]
[ download lagu gratis ] [  download mp3 lagu ]